29 Dec 2023
(ویب ڈیسک)ماہرین نے کہاہے کہ جلدی امراض کیلئے بنائی ادویات کا زیادہ استعمال ہڈیوں کیلئے نقصان دہ ثابت ہوسکتا ہے۔
رپورٹ کے مطابق ماہرین نے تحقیق میں 8000 مریضوں کے میڈیکل ریکارڈز کا مطالعہ کیا ،تحقیق میں محققین کو معلوم ہوا کہ وہ افراد جنہوں نے سوزش کو کم کرنے کے لیے کریمیں استعمال کی تھیں ان کے آئندہ پانچ سالوں میں آسٹوپوروسس میں مبتلا ہونے اور ہڈی فریکچر ہونے کے خطرات زیادہ تھے۔
وہ افراد جو زیادہ مقدار میں ادویات کا استعمال کرتے تھے ان کے اس کیفیت میں مبتلا ہونے کے امکانات 34 فی صد زیادہ تو تھے ہی لیکن وہ لوگ جنہوں نے کم مقدار میں دوا کا استعمال کیا ان میں اس کیفیت کے خطرات 22 فی صد زیادہ تھے۔تحقیق میں خواتین مردوں کے مقابلے میں اس مسئلے کا زیادہ آسان ہدف پائیں گئیں۔
انتہائی مؤثر اور محفوظ ہونے کے ساتھ کورٹیکوسٹیرائیڈز کو قلیل مدتی استعمال کے لیے بنایا جاتا ہے کیوں کہ غلط استعمال کیے جانے پر سنجیدہ نوعیت کے مسائل کا سبب ہوسکتا ہے۔یہ ادویات جسم کے کیلشیم اور وٹامن ڈی استعمال کرنے کے طریقے کو بدل کر ہڈیوں کی بیماری اور کمزوری کا سبب بن سکتی ہیں۔
آپ کی اس خبر کے متعلق رائے
