اپ ڈیٹس
  • 246.00 انڈے فی درجن
  • 356.00 زندہ مرغی
  • 516.00 گوشت مرغی
  • پولٹری
  • امریکن ڈالر قیمت خرید: 278.90 قیمت فروخت : 279.30
  • کویتی دینار قیمت خرید: 907.03 قیمت فروخت : 908.66
  • کرنسی مارکیٹ
  • تولہ: 240000 دس گرام : 205800
  • 24 سونا قیراط
  • تولہ: 219998 دس گرام : 188649
  • 22 سونا قیراط
  • تولہ: 3001 دس گرام : 2576
  • چاندی تیزابی
  • صرافہ بازار
پنجاب گورنمنٹ

وزیراعلیٰ محسن نقوی کا قائد ڈسٹرکٹ پراجیکٹ کا دورہ، تعمیراتی کام کا جائزہ لیا

25 Sep 2023
25 Sep 2023

(لاہور نیوز) نگران وزیراعلیٰ پنجاب محسن نقوی نے سنٹرپوائنٹ تا والٹن روڈ''پنجاب قائد ڈسٹرکٹ پراجیکٹ'' کا دورہ کیا اور منصوبے پر کام کی رفتار کا جائزہ لیا۔

وزیر اعلیٰ نے سی بی ڈی پنجاب بلیوارڈ اور والٹن روڈ کو ملانے والی سڑک کے تعمیراتی کام کا بھی معائنہ کیا، محسن نقوی نے والٹن اوورہیڈ برج پراجیکٹ 60 روز اور پنجاب قائد ڈسٹرکٹ منصوبہ 4 ماہ میں مکمل کرنے کی ہدایت کی، سی ای او سی بی ڈی عمران امین اور ایگزیکٹو ڈائریکٹر ٹیکنیکل ریاض حسین نے منصوبے پر وزیراعلیٰ کو بریفنگ دی۔

اس موقع پر میڈیا سے گفتگو کرتے ہوئے نگران وزیر اعلیٰ  محسن نقوی نے کہا کہ لاہور میں بڑی سڑکوں کا متوازی نظام بننے سے ٹریفک مینجمنٹ بہتر ہو گی، والٹن روڈ پر پانی کھڑا ہونے کے مسئلے کو حل کرنے کے لئے اڈا نالہ پراجیکٹ شروع کیا، یہ پورا کا پورا علاقہ تبدیل ہونے جارہا ہے۔

انہوں نے کہا کہ نکاسی آب کیلئے سی بی ڈی والٹن روڈ پراجیکٹ پر کام کررہی ہے، سی بی ڈی پروجیکٹ میں ہر بڑی کمپنی سرمایہ کاری کررہی ہے، فیروز پور روڈ کو بھی ہم ٹھیک کررہے ہیں، ملتان اور راولپنڈی میں بھی اس طرز کے منصوبوں پر کام جاری ہے۔

محسن نقوی نے مزید کہا  کہ لاہور میں موجود قونصلیٹ بھی سی بی ڈی ایریا میں منتقل ہونے میں دلچسپی ظاہر کر چکے ہیں،یہاں ڈپلومیٹک انکلیو بنایا جا رہا ہے جہاں سکیورٹی انتظامات بہتر ہوں گے، سی بی ڈی پراجیکٹ کی تکمیل کے بعد بہت سے سرمایہ کار انویسٹمنٹ کے لئے تیار ہیں۔

صوبائی وزرا ء اظفر علی ناصر، عامر میر، سیکرٹری ہاؤسنگ، سیکرٹری اطلاعات، سی سی پی او، ڈپٹی کمشنر، ڈی جی پی آر، چیف آپریٹنگ آفیسر سی بی ڈی بریگیڈئیر ریٹائرڈ منصور بھی اس موقع پر موجود تھے۔

Install our App

آپ کی اس خبر کے متعلق رائے