![](/lahorenewsimages/74046_79521567.jpg)
(لاہور نیوز) پٹرولیم مصنوعات کی قیمتوں میں اضافے سے اشیائے خور و نوش کے دام بھی بے لگام ہو گئے۔
پیاز 5 روپے مہنگا ہونے سے سرکاری ریٹ 80 روپے کلو ہو گیا۔ لہسن 10 روپے بڑھنے سے قیمت 470 روپے کلو ، اوپن مارکیٹ میں 600 روپے کلو تک فروخت ہو رہا ہے۔ ادرک 10 روپے بڑھا کر سرکاری قیمت 1 ہزار 30 روپے مقرر، مارکیٹ میں 1200 روپے کلو تک بک رہا ہے۔ ٹینڈے دیسی سرکاری قیمت 175 روپے ، مارکیٹ میں 220 روپے فی کلو تک دستیاب ہے۔ شلجم 5 روپے مہنگا ، سرکاری ریٹ 135 روپے کلو مقرر ، اوپن مارکیٹ میں فروخت 200 کلو تک ہو رہی ہے۔
پھلوں کے ریٹ بھی بڑھ گئے۔ سیب گاچہ درجہ اول کی فروخت 300 روپے فی کلو تک پہنچ گئی۔ کیلا درجہ اول مارکیٹ میں 200 روپے درجن تک دستیاب ہے۔ انگور کی مارکیٹ میں فروخت 480 روپے کلو تک ہو رہی ہے۔ آڑو 5 روپے بڑھنے سے سرکاری ریٹ 200 روپے مقرر ، مارکیٹ میں 480 روپے کلو تک بکنے لگا۔ سستا ہوتا برائلر 3 روپے مہنگا ہونے سے 501 روپے کلو جبکہ انڈے مارکیٹ میں 287 روپے درجن فروخت ہو رہے ہیں۔
شہری کہتے ہیں ہر شے مہنگی ہو چکی ہے، بچوں کا پیٹ پالیں یا بل اتاریں۔