26 Feb 2026
(ویب ڈیسک) محکمہ جنگلی حیات کی کارروائی میں غیرقانونی شکار کے خلاف کریک ڈاؤن کیا گیا۔
تفصیلات کے مطابق خرگوش کا شکار کرنے والے 5 ملزمان گرفتار ہوئے، محکمہ کے مطابق گرفتار ملزمان پر مجموعی طور پر ڈیڑھ لاکھ روپے جرمانہ عائد کیا گیا۔
مزید برآں، سوشل میڈیا پر تیتر کی خرید و فروخت میں ملوث دو ملزمان کے خلاف بھی کارروائی عمل میں آئی، دونوں کو گرفتار کر کے 80 ہزار روپے جرمانہ عائد کیا گیا۔
حکام نے بتایا کہ ملزمان کے قبضے سے برآمد کئے گئے 25 تیتر بازیاب کروا کر جنگل میں آزاد کر دیئے گئے۔
یہ اقدامات غیرقانونی شکار اور جنگلی حیات کے تحفظ کیلئے محکمہ جنگلی حیات کی جانب سے جاری سخت کارروائیوں کا حصہ ہیں۔
