19 Sep 2025
(لاہور نیوز) شہر میں درختوں کی کٹائی کے واقعات نہ رک سکے، ایک ہفتے کے دوران درخت کاٹنے کا یہ تیسرا واقعہ رونما ہو چکا ہے۔
کینال روڈ پر گارڈن ٹاؤن کے قریب دفاتر کی جانب سے سیکیورٹی کے نام پر گرین بیلٹ پر لگے تناور درخت کاٹ دیے گئے، حالانکہ عدالت اور حکومت کی جانب سے درخت کاٹنے پر پابندی عائد ہے۔
پی ایچ اے کی کمزور نگرانی کے باعث شہریوں نے درختوں کی کٹائی کو معمول بنا لیا ہے، گزشتہ روز بھی گارڈن ٹاؤن کے مقام پر ایک شہری نے درخت کاٹا جبکہ چند روز قبل مغل پورہ میں بھی درختوں کی کٹائی کی گئی۔
واضح رہے کہ آئے روز درختوں کی کٹائی ماحولیاتی آلودگی میں اضافے اور صحت کے لیے سنگین خطرات کا باعث بن رہی ہے۔
