07 Jul 2025
(لاہور نیوز) چینی شہری کے گھر سے کروڑوں روپے چوری کرنے میں گھر کے 3 ملازمین ہی ملوث نکلے، پولیس نے ملزمان کو گرفتار کر کے مزید کارروائی کا آغاز کر دیا ہے۔
اےایس پی ڈیفنس شہر بانو نقوی نے دوران پریس کانفرنس بتایا کہ ملزمان چوری کی گئی رقم سمیت بہاولپور سے گرفتار ہوئے، ملزمان چینی باشندے کے گھر سے1کروڑ 80 لاکھ روپے چوری کر کےفرار ہو گئے تھے۔
ملزمان میں مرکزی ملزم علی عزیز، شبیر اور امتیاز شامل ہیں، ابتدائی تفتیش کے دوران ملزمان نے اعتراف جرم کر لیا، ملزمان کیخلاف مقدمہ درج کر کے مزید تفتیش جاری ہے۔
اے ایس پی ڈیفنس کا کہنا تھا کہ ملزمان سے مذکورہ رقم برآمد کر لی گئی ہے، ملزمان کو سی سی ٹی وی و جدید ٹیکنالوجی کی مدد سے گرفتار کیا گیا ہے۔
