![](/lahorenewsimages/x73936_30236631.jpg.pagespeed.ic.yMI2CAbfz6.jpg)
14 Sep 2023
(ویب ڈیسک) گورنر سٹیٹ بینک نے کہا فوری طور پر 8 ارب ڈالر کی مالی ضرورت ہے، رواں مالی سال 24 ارب 60 کروڑ ڈالر ادا کرنے ہیں۔
گورنر سٹیٹ بینک نے معاشی تجزیہ کاروں کے اجلاس سے خطاب کرتے ہوئے کہا رواں مالی سال 21 ارب 20 کروڑ ڈالر کا قرض ادا کرنا ہے، 3 ارب 40 کروڑ ڈالر قرض پر سود کی ادائیگی کرنی ہے، حکومت رواں مالی سال 2 ارب 80 کروڑ ڈالر کا قرض ادا کر چکی ہے۔
گورنر سٹیٹ بینک نے مزید کہا 2 ارب 20 کروڑ ڈالر پرنسپل اماؤنٹ اور 60 کروڑ ڈالر سود ادا کیا گیا، 8 ارب ڈالر کے قرضے رول اوور کرنے کی یقین دہانی کرائی گئی ہے، 3 ارب ڈالر کے قرضے رول اوور ہونے کے مرحلے میں ہیں۔