26 Jun 2026
(لاہور نیوز) پاکستان مسلم لیگ (ن) کے رہنما خواجہ سعد رفیق نے لاہور اور اسلام آباد میں کراچی جیسا بلدیاتی نظام لانے سے متعلق بلاول بھٹو زرداری کے بیان پر تنقید کی ہے۔
اپنے بیان میں خواجہ سعد رفیق نے کہا کہ کراچی جیسے بلدیاتی انتخابات کروانے سے بہتر ہے کہ انتخابات ہی نہ کروائے جائیں۔
انہوں نے کہا کہ کراچی جیسے بلدیاتی نظام کی تفصیل جاننے کے لیے کوئی بھی حافظ نعیم الرحمٰن یا خالد مقبول صدیقی سے پوچھ سکتا ہے۔
خواجہ سعد رفیق کا کہنا تھا کہ بلدیاتی نظام ایسا ہونا چاہیے جو عوامی مسائل کے حل اور اختیارات کی حقیقی منتقلی کو یقینی بنائے۔
