02 Apr 2026
(لاہور نیوز) داتا دربار پولیس نے کارروائی کرتے ہوئے 4 رکنی متحرک جھپٹا مار و موٹر سائیکل چور گینگ کو گرفتار کر لیا۔
پولیس کے مطابق ملزمان موٹر سائیکل چوری کرتے اور پھر اسی موٹر سائیکل پر سنیچنگ کی وارداتیں کرتے، ملزمان نے عید کے تیسرے روز داتا دربار کے ایریا سے موبائل چھیننے کی واردات کی، گرفتار ملزمان میں سرغنہ حسن سمیت عزیز، افضل اور بلال شامل ہیں۔
ایس پی سٹی بلال احمد کا کہنا تھا کہ ملزمان کو سی سی ٹی وی فوٹیج میں واردات کر کے فرار ہوتے دیکھا جا سکتا، ملزمان کو سی سی ٹی وی فوٹیج کی مدد سے ٹریس و شناخت کیا گیا، ملزمان کے قبضہ سے دو موٹر سائیکل 5 موبائل اور اسلحہ برآمد کر لیا گیا ہے۔
ایس پی سٹی ڈویژن نے مزید کہا کہ ریکارڈ یافتہ ملزمان ملکر لاہور کے مختلف مقامات پر شہریوں سے واردات کرتے تھے۔
