15 May 2025
(لاہور نیوز) پولیس موبائلز سکواڈ کی قانون شکن عناصر کیخلاف کارروائیاں جاری ہیں۔
بس ٹرمینل سے لڑکی کے اغواء کی کوشش ناکام بنا دی گئی ۔ ناکہ جناح ٹرمینل نے کارروائی کرتے ہوئے عارفوالہ سے اغواء کی گئی لڑکی بازیاب کرا لی۔
ترجمان کے مطابق ملزم بس ٹرمینل سے لڑکی کو زبردستی اپنے ہمراہ لے جا رہا تھا،لڑکی کے شور مچانے پر ناکہ انچارج نے دونوں کو حراست میں لے لیا۔ ملزم کیخلاف تھانہ صدرعارفوالہ میں اغواء کا مقدمہ درج ہے۔
ناکہ انچارج نے پاکپتن پولیس تھانہ صدر کو لڑکی کی بازیابی سے مطلع کردیا۔ ترجمان کے مطابق ناکہ انچارج اور جوانوں کی حاضر دماغی نے لڑکی کو اغواء ہونے سے بچا لیا۔
ملزم علی رضا اور 14 سالہ مغویہ سدرہ کو تھانہ چوہنگ کے حوالے کردیا گیا۔
