اپ ڈیٹس
  • 256.00 انڈے فی درجن
  • 407.00 زندہ مرغی
  • 590.00 گوشت مرغی
  • پولٹری
  • چینی یوآن قیمت خرید: 38.30 قیمت فروخت : 38.37
  • امریکن ڈالر قیمت خرید: 279.15 قیمت فروخت : 279.65
  • یورو قیمت خرید: 290.64 قیمت فروخت : 291.17
  • برطانوی پاؤنڈ قیمت خرید: 348.95 قیمت فروخت : 349.58
  • کینیڈا ڈالر قیمت خرید: 195.91 قیمت فروخت : 196.26
  • جاپانی ین قیمت خرید: 1.82 قیمت فروخت : 1.82
  • سعودی ریال قیمت خرید: 74.07 قیمت فروخت : 74.20
  • اماراتی درہم قیمت خرید: 76.16 قیمت فروخت : 76.29
  • کویتی دینار قیمت خرید: 901.39 قیمت فروخت : 903.01
  • کرنسی مارکیٹ
  • تولہ: 304700 دس گرام : 261300
  • 24 سونا قیراط
  • تولہ: 279306 دس گرام : 239523
  • 22 سونا قیراط
  • تولہ: 3361 دس گرام : 2884
  • چاندی تیزابی
  • صرافہ بازار
جرم وانصاف

26ویں آئینی ترمیم کیس: 27 جنوری کو ہونیوالی سماعت پر سکیورٹی سخت کرنے کا حکم

24 Jan 2025
24 Jan 2025

(لاہور نیوز) سپریم کورٹ نے 26ویں آئینی ترمیم سے متعلق کیس کی سماعت کا اعلامیہ جاری کر دیا۔

عدالت عظمیٰ کے اعلامیہ کے مطابق 27 جنوری کو 26ویں آئینی ترمیم کے مقدمات کی سماعت کے دوران سپریم کورٹ بلڈنگ میں خصوصی انتظامات ہوں گے، کورٹ روم نمبر 2 میں 26ویں آئینی ترمیم کے مقدمات کی سماعت ہو گی۔

اسی طرح 27 جنوری کو سپریم کورٹ کے احاطے میں سکیورٹی مزید سخت ہو گی، کمرہ عدالت نمبر 2 میں بیٹھنے کی محدود گنجائش کے پیش نظر، خصوصی پاسز کے ذریعے داخلے کو ریگولیٹ کیا جائے گا، صرف ان فریقین کو داخل ہونے کی اجازت ہو گی جن کے مقدمات عدالت میں طے ہوں گے۔

اعلامیہ میں بتایا گیا کہ سپریم کورٹ باقاعدگی سے آنے والے وکلاء اور صحافیوں کو بھی کورٹ روم نمبر 2 میں داخل ہونے کیلئے پاس جاری کیے جائیں گے، پاس نہ رکھنے والا وکلاء اور صحافیوں کو کورٹ روم نمبر 6 اور 7 میں آڈیو سہولت مہیا کی جائے گی۔

سپریم کورٹ عمارت میں داخلے کی اجازت بیگ، پرس وغیرہ کی چیکنگ اور تلاشی کے بعد دی جائے گی، کمرہ عدالت کے اندر سیل فون لے جانے کی اجازت نہیں ہے۔

اعلامیہ میں اس بات پر بھی زور دیا گیا ہے کہ سماعت کیلئے آنے والوں سے یہ توقع کی جاتی ہے کہ وہ ہدایات پر عمل کریں گے، عدالت کے احاطے میں ڈیوٹی پر موجود سکیورٹی عملے کے ساتھ تعاون کریں۔

علاوہ ازیں اعلامیہ میں سپریم کورٹ سکیورٹی اہلکاروں اور سٹاف کو ہدایت کی گئی ہے کہ وہ عدالت میں آنے والوں کے ساتھ خوش اسلوبی سے پیش آئیں۔

Install our App

آپ کی اس خبر کے متعلق رائے