03 Oct 2025
(لاہور نیوز) محکمہ خزانہ پنجاب کی جانب سے مفت ادویات کا بجٹ سرکاری ہسپتالوں کو جاری کر دیا گیا ہے۔
محکمہ خزانہ پنجاب کی جانب سے مفت ادویات کے لئے چلڈرن ہسپتال کو 127 ملین، جناح ہسپتال کو 76 ملین اور لاہور جنرل ہسپتال کو 70 ملین روپے جاری کئے گئے ہیں، پی آئی سی کو مفت ادویات کے لئے 36 ملین، سروسز ہسپتال کو 20 کروڑ ،کوٹ خواجہ سعید ہسپتال کو 25 ملین اور میو ہسپتال کو 26 ملین روپے جاری کئے گئے ہیں۔
مفت ادویات کے لئے لیڈی ولنگٹن ہسپتال کو 24 ملین اور لیڈی ایچیسن ہسپتال کو 7 ملین روپے جاری کئے گئے ہیں، یہ بجٹ ہسپتال مریضوں کو مفت ادویات دینے پر خرچ کریں گے۔
