08 Sep 2025
(لاہور نیوز) سی سی ڈی کے ساتھ مختلف علاقوں میں ہونے والے مبینہ پولیس مقابلوں میں تین ریکارڈ یافتہ ملزمان ہلاک ہو گئے۔
ذرائع کے مطابق پہلا مقابلہ لاہور کے علاقے ڈیفنس ہاؤسنگ اتھارٹی (ڈی ایچ اے) کے قریب پیش آیا، جہاں ہلاک ہونے والے ملزم کی شناخت ماجد حسین کے نام سے ہوئی، دوسرا واقعہ باٹا پور کے علاقے میں پیش آیا جہاں دو ملزمان، عمران اور شاہ نواز مبینہ مقابلے کے دوران مارے گئے۔
پولیس کے مطابق تینوں ملزمان کے خلاف مختلف سنگین مقدمات درج تھے اور وہ جرائم پیشہ سرگرمیوں میں ملوث تھے۔
