(لاہور نیوز) لاہور ہائیکورٹ نے پرانے ٹائروں سے فیول بنانے والے کارخانوں کو گرانے کے نوٹیفکیشن کے خلاف درخواست پر تحریری حکم جاری کردیا۔
عدالت عالیہ کے تحریری حکم میں کہا گیا ہے کہ محکمہ ماحولیات پرانے ٹائروں سے فیول بنانے والے کارخانوں کو گرانے کی کارروائی نہ کرے، 27 ستمبر تک محکمہ ماحولیات کو کارخانوں کو گرانے سے روکا جاتا ہے، ٹائر ریسائیکلنگ کارخانے آئندہ سماعت تک بند رہیں گے، حکومت پنجاب سمیت فریقین کو جواب داخل کرانے کیلئے نوٹس جاری کیا جاتا ہے۔
تحریری حکم میں مزید کہا گیا کہ ایڈووکیٹ جنرل پنجاب کو عدالتی معاونت کیلئے نوٹس جاری کیا جاتا ہے، درخواست میں اہم اور قابل غور نکات اٹھائے گئے ہیں۔
لاہور ہائیکورٹ کے جسٹس انوار حسین نے آل پاکستان آلٹرنیٹ انرجی ری سائیکلنگ ایسوسی ایشن کی درخواست پر تحریری حکم جاری کیا، آل پاکستان آلٹرنیٹ انرجی ری سائیکلنگ ایسوسی ایشن کے چیئرمین اور صدر نے محکمہ ماحولیات کے نوٹیفکیشن کو لاہور ہائیکورٹ میں چیلنج کیا تھا۔
درخواستگزار نے مؤقف اختیار کیا کہ عالمی معیار کے مطابق ٹائر ریسائیکلنگ کارخانے لگائے، ماحولیاتی ٹربیونل نے معیار پر پورا اترنے والے ٹائر ریسائیکلنگ کارخانوں کو این او سی جاری کرنے کا حکم دیا، ڈی جی ماحولیات نے ٹربیونل کو معیار پر پورا اترنے والے کارخانوں کو این او سی جاری کرنے کی یقین دہانی کرائی۔
لاہور ہائیکورٹ میں دائر درخواست میں کہا گیا کہ حکومت پنجاب نے پرانے ٹائروں سے فیول بنانے والے کارخانوں کو گرانے کا فیصلہ کیا، کارخانوں کو ریگولیٹ کرنے کی بجائے کاروبار بند کرنا خلاف قانون ہے، ٹائر ریسائیکلنگ عالمی معیار کے مطابق نہ کرنے والے کارخانوں کو بند کرنے کے حکومتی فیصلے پر کوئی اعتراض نہیں، کارخانوں کی بندش سے براہ راست ٹائر جلانے سے ماحولیاتی آلودگی میں اضافہ ہوگا۔
درخواست گزار کے وکلاء کا کہنا تھا کہ پنجاب میں سالانہ مختلف نوعیت کی تقریباً چار کروڑ گاڑیوں سے ٹائر اتارے جاتے ہیں، کارخانوں کی بندش سے پرانے ٹائروں سے سستے متبادل انڈسٹریل فیول کی تیاری بند ہو جائے گی۔
درخواستگزار کی جانب سے استدعا کی گئی تھی کہ لاہور ہائیکورٹ ٹائر ریسائیکلنگ کارخانوں کو گرانے کا نوٹیفکیشن کالعدم قرار دے، عدالت حکومت کو ٹائر ریسائیکلنگ کارخانوں کیخلاف کارروائی سے روکنے کا حکم جاری کرے۔
آپ کی اس خبر کے متعلق رائے
آج کا موسم
| پھلوں کے ریٹس | |
|---|---|
| کھجور | 190 |
| کھجور | 270 |
| امرود | 75 |
| پپیتا | 220 |
| انگور | 155 |
| چیکو | 160 |
| کیلا | 110 |
| سیب کالا کلو پہاڑی | 245 |
| سبزیوں کے ریٹس | |
|---|---|
| گھیا کدو | 55 |
| حلوہ کدو | 91 |
| مونگرے | 95 |
| اروی | 100 |
| شلجم | 32 |
| دھنیا | 40 |
| آلو | 35 |
| مولی | 25 |
| مٹر | 110 |
| لیموں چائنہ | 70 |
| سبز مرچ | 120 |
| شملہ مرچ | 335 |
| پھول گوبھی | 35 |
| بند گوبھی | 21 |
| میتھی | 80 |
| بینگن | 80 |
| پالک | 40 |
| کریلے | 260 |
| کھیرا | 60 |
| ادرک | 500 |
| لہسن | 440 |
| ٹماٹر | 240 |
| پیاز | 220 |
| پولٹری مصنوعات | |
|---|---|
| انڈے فی درجن | 306 روپے |
| گوشت مرغی | 595 روپے |
| کرنسی مارکیٹ | ||
|---|---|---|
| کرنسی | قیمتِ خرید | قیمتِ فروخت |
| چینی یوآن | 39.45 | 39.52 |
| امریکن ڈالر | 278.35 | 278.85 |
| یورو | 311.41 | 311.97 |
| برطانوی پاؤنڈ | 367.19 | 367.85 |
| آسٹریلیا ڈالر | 188.84 | 189.18 |
| کینیڈا ڈالر | 206.50 | 206.87 |
| جاپانی ین | 1.92 | 1.93 |
| سعودی ریال | 74.19 | 74.32 |
| اماراتی درہم | 76.31 | 76.45 |
| کویتی دینار | 911.31 | 912.95 |
| صرافہ بازار | ||
|---|---|---|
| سونا | تولہ | دس گرام |
| 24 قیراط | 262,700.00 | 225,200.00 |
| 22 قیراط | 240,807.00 | 206,432.00 |
| چاندی تیزابی | 3,116.00 | 2,674.00 |