30 Mar 2026
(لاہور نیوز) حضرت شاہ حسینؒ، المعروف حضرت مادھو لعل حسینؒ کے سالانہ عرس و میلے کی تقریبات آج آخری روز، جسے خصوصی طور پر خواتین کے لیے مختص کیا گیا ہے۔
آخری روز صرف خواتین کو مزار شریف پر آنے کی اجازت دی گئی ہے اور عرس کی تقریبات بعداز مغرب دعا کے ساتھ اختتام پذیر ہوں گی۔
اس موقع پر ایڈیشنل سیکرٹری اوقاف نبیلہ جاوید نے دربار کا دورہ کیا، جہاں مینیجر اوقاف غلام رسول نے انہیں مکمل بریفنگ دی۔ ایڈیشنل سیکرٹری اوقاف نے بتایا کہ سی سی ٹی وی کیمروں کے ذریعے مانیٹرنگ بھی کی جا رہی ہے۔
محکمہ اوقاف کی جانب سے خواتین زائرین کے لیے لنگر کا بھی انتظام کیا گیا ہے جبکہ پولیس کی طرف سے تقریبات کے دوران سخت سکیورٹی کے انتظامات کیے گئے ہیں تاکہ امن و امان کو یقینی بنایا جا سکے۔
