01 Mar 2026
(لاہور نیوز) ماڈل ٹاؤن ڈویژن میں ایک بار پھر منچلوں نے سڑکوں کو خطرناک کرتبوں کا ٹریک بنا دیا ،اس دوران پولیس اہلکار منظر سے غائب دکھائی دیے۔
فیروز پور روڈ پر ماڈل ٹاؤن کورٹ سے مزنگ کے علاقے تک ون ویلرز دندناتے پھرتے رہے۔ اسی طرح شمع قبرستان کے دونوں اطراف بھی جان لیوا کھیل جاری رہا۔
اچھرہ میں تھانے کے سامنے گزشتہ اتوار کی طرح اس بار بھی ون ویلنگ ہوتی رہی۔ اچھرہ پولیس نے گولڈ مارکیٹ کے سامنے بیرئیر تو لگا دیا، مگر موقع پر کوئی اہلکار موجود نہ تھا۔
شام 6 بجے سے 7 بجے تک منچلے کھلے عام ون ویلنگ اور لیٹ کر موٹر سائیکل چلانے جیسے خطرناک کرتب کرتے رہے۔ نصیر آباد کے علاقے میں بھی یہی صورتحال دیکھنے میں آئی، مگر قانون نافذ کرنے والے اداروں کا کوئی اہلکار دکھائی نہ دیا۔
