04 Feb 2026
(لاہور نیوز) وفاقی وزیر اطلاعات عطااللہ تارڑ کا کہنا ہے کہ وزیر اعلیٰ خیبر پختونخوا سہیل آفریدی کی درخواست پر وزیراعظم نے ملاقات کی۔
وفاقی وزیر عطا تارڑ نے گفتگو کرتے ہوئے کہا کہ ہم نے عمران خان کی صحت پر کوئی مذاق اڑایا اور نہ ہی کوئی منفی بات کی ہے، صحت کے معاملے پر سیاست نہیں ہونی چاہیے۔
وزیر اطلاعات نے عمران خان اور حکومت کی بات چیت پر ردعمل دیتے ہوئے کہا کہ پی ٹی آئی سے نہ کوئی فرنٹ پر اور نہ بیک پر کوئی بات چیت ہو رہی ہے۔
عطا تارڑ نے مزید کہا کہ پی ٹی آئی کے پاس سٹریٹ پاور نہیں رہی، اگر سٹریٹ پاور ہوتی تو کے پی میں بنوں، پشاور میں ان کے ناکام جلسے نہ ہوتے، 8 فروری کو پی ٹی آئی کو بندے اکٹھے کرنے میں مشکل ہو گی۔
