پنجاب گورنمنٹ
پنجاب میں ماحولیاتی تحفظ فورس میں توسیع کا فیصلہ، 10 اضلاع میں 441 آسامیاں منظور
13 Oct 2025
13 Oct 2025
(لاہور نیوز) پنجاب میں ماحولیاتی تحفظ فورس میں توسیع کا فیصلہ کر لیا گیا، اس ضمن میں 10 اضلاع میں 441 نئی آسامیاں منظور کر لی گئیں۔
فورس کے لیے 26 کروڑ 12 لاکھ روپے کا بجٹ منظور کر لیا گیا، پی اینڈ ڈی بورڈ نے باقاعدہ پی سی ون کی منظوری بھی دیدی، یہ فورس فضائی آلودگی اور ماحولیاتی خطرات سے نمٹے گی، ای پی ایف میں مزید اہلکار اور جدید ٹیکنالوجی شامل کی جائے گی جبکہ اس کے علاوہ لاہور، فیصل آباد، راولپنڈی سمیت 10 اضلاع میں فورس سرگرم ہے۔
محکمہ ماحولیات کے مطابق فورس کو ڈرونز ،موبائل ایئر کوالٹی سٹیشنز سے لیس کیا جا رہا ہے، صنعتی فضلے، فصلوں کی باقیات جلانے، سموگ پر کارروائی کی جائے گی، برننگ فیلڈز، برک کلنز، ویسٹ واٹر یونٹس کی نگرانی سخت کر دی گئی جبکہ محکمہ ماحولیات کے مطابق فورس توسیع سے قانون نافذ کرنے کی صلاحیت بڑھے گی۔
