09 Oct 2025
(لاہور نیوز) گلبرک کے علاقہ میں نوکری سے نکالے جانے پر ملازم نے گن پوائنٹ پر کال سنٹر کے مالک سے پیسے ہتھیا لئے، پولیس نے ملزم کو گرفتار کر کے قانونی کارروائی کا آغاز کر دیا ہے۔
گلبرگ پولیس نے سی سی ٹی وی فوٹیج کی مدد سے ملزموں کو گرفتار کیا، کال سنٹر مالک نے چند روز قبل ملزم فہیم کو ملازمت سے نکال دیا تھا، ملزم نے اپنے دیگر ساتھی کے ہمراہ گن پوائنٹ پر کال سنٹر مالک سے 50 ہزار ہتھیائے، فوٹیج میں ملزمان کو طارق نامی شخص کو بلیک میل کرتے دیکھا جا سکتا ہے۔
ترجمان کے مطابق ملزم متاثرہ شخص کو جان سے مارنے کی دھمکیاں بھی دیتا رہا، پولیس نے ملزم کے قبضہ سے پستول برآمد کر کے مقدمہ درج کرنے کے بعد اسے انویسٹی گیشن کے حوالے کر دیا ہے، ایس پی ماڈل ٹاؤن اخلاق اللہ تارڑ نے کہا ہے کہ قانون کو ہاتھ میں لینے والے کسی رعایت کے مستحق نہیں۔
