08 Oct 2025
(لاہور نیوز) ایس پی سِول لائنز چوہدری اثر علی کی سربراہی میں غیرقانونی اسلحہ کی خرید و فروخت کے خلاف کریک ڈاؤن جاری ہے۔
مزنگ پولیس نے ایک اہم کارروائی میں دوران چیکنگ ملزم فیصل پٹھان کو جین مندر کے قریب سے گرفتار کر لیا۔
ملزم کے قبضے سے مختلف اقسام کے نئے پستول اور میگزین برآمد ہوئے ہیں، تحقیقات کے مطابق ملزم غیرقانونی طور پر پشاور سے آن لائن آرڈر کے ذریعے پستول منگواتا اور لاہور میں پہنچاتا تھا، اس کے قبضے سے 3 عدد 9mm پستول اور 2 عدد 30 بور کے پستول بھی برآمد کئے گئے ہیں۔
ایس پی سِول لائنز چوہدری اثر علی نے بتایا کہ ملزم کے خلاف مقدمہ درج کر کے تحقیقات شروع کر دی گئی ہیں اور امن و امان کو برقرار رکھنے کے لئے غیرقانونی اسلحہ کے خلاف کریک ڈاؤن جاری رکھا جائے گا۔
