19 Sep 2025
(لاہور نیوز) سابق جسٹس لاہور ہائی کورٹ حسن رضا پاشا کے دفتر پر نامعلوم افراد نے فائرنگ کر دی۔
ذرائع کے مطابق حملہ آوروں نے دفتر کو نشانہ بنانے کے بعد مرکزی سڑک پر کھڑے ہو کر ہوائی فائرنگ بھی کی، جس کے بعد پولیس اور وکلاء موقع پر پہنچ گئے۔
ابتدائی تفتیش میں فوری طور پر حملے کی وجہ سامنے نہیں آ سکی تاہم پولیس کا کہنا ہے کہ جائے وقوعہ سے شواہد اکٹھے کر کے تفتیش شروع کر دی گئی ہے، جلد ہی ملزمان پولیس کی گرفت میں اور حملے کے اصل محرکات سامنے آ جائیں گے۔
