(لاہور نیوز) لاہور میں سیکڑوں سائیکلیں اور مویشی چوری ہونے پر مختلف تھانوں میں پولیس نے 881 مقدمات درج کر لئے۔
پولیس ریکارڈ کے مطابق رواں سال سائیکل چوری کے 141، مختلف تھانوں میں مویشی چوری کے 740 مقدمات درج ہوئے ہیں، سائیکل چوری کی وارداتوں میں کینٹ ڈویژن 39 مقدمات کے ساتھ سر فہرست رہا، ماڈل ٹاؤن ڈویژن سائیکل چوری کی 28 وارداتوں کے ساتھ دوسرے نمبر پر رہا جبکہ صدر ڈویژن سائیکل چوری کے 26 مقدمات کے ساتھ تیسرے نمبر پر رہا ہے۔
اقبال ٹاؤن ڈویژن میں 22، سول لائنز ڈویژن میں سائیکل چوری کی 16 وارداتیں رپورٹ ہوئیں جبکہ سٹی ڈویژن میں رواں سال کے دوران سائیکل چوری کے 10 مقدمات درج ہوئے۔
پولیس ریکارڈ کے مطابق مویشی چوری کی وارداتوں میں صدر ڈویژن 246 مقدمات کے ساتھ سر فہرست رہا، کینٹ ڈویژن مویشی چوری کی 210 وارداتوں کے ساتھ دوسرے نمبر پر رہا جبکہ ماڈل ٹاؤن ڈویژن مویشی چوری کے 148 مقدمات کے ساتھ تیسرے نمبر پر رہاہے۔
اسی طرح اقبال ٹاؤن ڈویژن میں 71، سٹی ڈویژن میں مویشی چوری کے 46 اور سول لائنز میں مویشی چوری کے 19 مقدمات کا اندراج کیا گیا ہے۔
