06 Sep 2025
(لاہور نیوز) وزیراعلیٰ پنجاب مریم نوازشریف نے کہا ہے کہ دھرتی کے لئے سرحدوں پر سینہ سپر ہونے والے بہادر سپوت قوم کا فخر ہیں۔
وزیراعلیٰ پنجاب مریم نوازشریف نے یومِ دفاع پر اپنے پیغام میں کہا کہ قوم پاک فوج کے ہرافسر، ہر جوان ،ہرشہید اور ہرغازی کو سلام پیش کرتی ہے، معرکہ حق میں پاک فوج نے دشمن پر برتری حاصل کرکے اقوام عالم میں اپنا لوہا منوایا ۔
مریم نواز نے کہا کہ دھرتی کے لئے سرحدوں پر سینہ سپر ہونے والے بہادر سپوت قوم کا فخر ہیں،پاک فوج نے ثابت کیا جنگیں ہتھیاروں سے نہیں بلکہ ایمان و یقین سے جیتی جاتی ہیں۔
انہوں نے کہا کہ اللہ تعالیٰ کے فضل و کرم سے آج کا پاکستان مضبوط ہے اور دفاع ناقابل تسخیر ہے، آج پاکستان ایک ایٹمی طاقت ہیں اور افواج پہلے سے بھی زیادہ پراعتماد ہے، عوام مسلح افواج کے ساتھ شانہ بشانہ کھڑے ہیں اور ہمیشہ کھڑے ہوں گے۔
