(ویب ڈیسک) پاکستان شوبز انڈسٹری کی معروف اداکارہ مایا علی نے محبت میں دل ٹوٹنے کا اعتراف کرتے ہوئے کہا ہے کہ کامیاب محبت کے لیے ضروری ہے کہ صحیح انسان سے محبت ہو ۔

حال ہی میں مایا علی کو ایک پوڈکاسٹ میں بطور مہمان شرکت کی جہاں انہوں نے مختلف امور پر بات کی۔

دوران انٹرویو میزبان نے جب اب تک شادی نہ کرنے کی وجہ پوچھی تو اداکارہ نے کہا، میں صرف اس لیے شادی نہیں کروں گی کیونکہ لوگ کہہ رہے ہیں کہ کرلو یا عمر نکل رہی ہے بلکہ جب کوئی ایسا مل جائے گا جس سے مجھے لگے گا کہ اس شخص سے شادی کرنی چاہیے تو کرلوں گی۔

انہوں نے شادی سے متعلق کھل کر بات کرتے ہوئے کہا، شادی کے معاملے میں لوگوں کے دباؤ میں نہیں آسکتی، شادی ایک بہت بڑا فیصلہ ہے، یہ صرف دو لوگوں کے درمیان کی بات نہیں دو خاندانوں کی بات ہے، شادی کے لیے ضروری ہے کہ جس انسان سے شادی کر رہے ہیں اس سے کنیکشن ہو، جس دن مجھے کوئی ایسا مل گیا جس سے وہ خاص کنیکشن جڑ گیا تو شادی کرلوں گی۔

36 سالہ اداکارہ نے شادی میں تاخیر پر بات کرتے ہوئے کہا کہ شادی تو اللّٰہ کا فیصلہ ہے جس دن ہونی ہے اس دن تو ہونی ہے، اگر اس میں دیر ہو رہی ہے تو لوگ یہ کیونکہ نہیں سمجھ لیتے کہ یہ بھی اللّٰہ کا ہی فیصلہ ہے۔

جب ان سے سوال کیا گیا کہ کیا کبھی کوئی ایسا شخص نہیں ملا جن سے وہ شادی کرسکیں، انڈسٹری میں بھی ایسا کوئی نہیں ہے؟ تو اس پر اداکارہ نے کوئی جواب نہیں دیا اور خاموشی سے مسکراتی رہیں۔

میزبان نے سوال بدل کر پوچھا کہ کیا کبھی محبت ہوئی؟ جس پر انہوں نے اعتراف کیا۔

میزبان کے سوال کا جواب دیتے ہوئے انہوں نے کہا کہ محبت تو ہوئی ہے، لیکن کامیاب محبت کے لیے ضروری ہے کہ صحیح انسان سے محبت ہو، ایسا نہیں ہے کہ محبت صحیح یا غلط ہوتی ہے یا انسان صحیح یا غلط ہوتے ہیں بلکہ ہوسکتا ہے جس سے مجھے محبت ہوئی وہ میرے لیے صحیح نہیں ہو یا میں اس کے لیے صحیح نہیں ہوں۔

مایا علی کا کہنا ہے کہ محبت کا ہونا مشکل نہیں ہے، محبت کو نبھانا مشکل ہے، میں نے کوشش کی تھی کہ محبت کو نبھا سکوں۔

Follow Lahore News on X

Install our App