28 Aug 2025
(لاہور نیوز) معروف یوٹیوبر سعد الرحمٰن عرف ڈکی بھائی کیخلاف جوئے کی ایپ پروموٹ کرنے کے مقدمہ میں اہم پیشرفت،عدالت نے ڈکی بھائی کے جسمانی ریمانڈ میں مزید 4 روز کی توسیع کر دی۔
عدالت میں نیشنل سائبر کرائم انوسٹی گیشن ایجنسی نے ملزم ڈکی بھائی کو پیش کیا۔ عدالت میں سرکاری وکیل نے بتایا کہ ملزم سے جوئے کی ایپ کی تشہیر کے معاملے پر تفتیش جاری ہے۔
سرکاری وکیل نے عدالت سے ملزم کا مزید جسمانی ریمانڈ منظور کرنے کی استدعا کی۔ ڈکی بھائی کے وکیل نے جسمانی ریمانڈ کی درخواست کی مخالفت کی۔
عدالت نے ڈکی بھائی کا مزید چار روزہ جسمانی ریمانڈ منظور کر لیا۔
