23 Aug 2025
(لاہور نیوز) لاہور کے علاقے ہربنس پورہ سے اغواء ہونے والی طالبہ فاطمہ صابر کو پولیس نے بازیاب کروا لیا ہے۔
فاطمہ صابر صبح سوا سات بجے سکول کیلئے گھر سے نکلی تھی جس کے بعد وہ لاپتہ ہو گئی، واقعے کی سی سی ٹی وی فوٹیج سے پولیس نے تحقیقات شروع کیں، بچی کے والد صابر علی کی مدعیت میں مقدمہ درج کیا گیا۔
پولیس اور سیف سٹی کی مدد سے بچی کو شام کے وقت بحفاظت بازیاب کروا لیا گیا، والد نے متعلقہ اداروں کے تعاون پر شکریہ ادا کیا اور تمام والدین کو اصلاح پیغام دیتے ہوئے کہا کہ اپنے بچوں کا خاص خیال رکھیں، جبکہ پولیس کے مطابق واقعے کی مزید تحقیقات جاری ہیں۔
