20 Aug 2025
(لاہور نیوز) کاہنہ پولیس نے جرائم پیشہ عناصر کیخلاف کریک ڈاؤن کرتے ہوئے 48 گھنٹوں کے دوران 12 ملزموں کو گرفتار کر لیا۔
پولیس ترجمان کے مطابق گرفتار ملزموں میں 3 اشتہاری، 2 منشیات فروش اور ایک ناجائز اسلحہ رکھنے والا شامل ہے، گرفتار ہونیوالوں میں 2 ون ویلر اور 4 دیگر ملزم بھی شامل ہیں ،ملزموں کو دوران پٹرولنگ اور خفیہ اطلاع پر مختلف علاقوں سے گرفتار کیا گیا۔
اشتہاری ملزم ٹیلی گراف ایکٹ کرایہ داری سمیت 7 مقدمات میں مطلوب تھے، ملزموں سے ایک کلو 500 گرام چرس اور پستول بھی برآمد ہوا ہے تاہم دیگر ملزموں کیخلاف لڑائی جھگڑے اور ون ویلنگ کے مقدمات درج ہیں۔
پولیس کا کہنا ہے کہ تمام ملزموں کیخلاف مقدمات درج کر کے مزید تفتیش کیلئے متعلقہ انویسٹی گیشن حکام کے حوالے کر دیا گیا ہے.
