(لاہور نیوز) آئی جی جیل کا ایڈمن بلاک میں 4کیٹیگریز پر پابندی پر عملدرآمد کا حکم، جیل سپرنٹنڈنٹس سنگین جرائم میں ملوث ملزمان کی ملاقات ایڈمن بلاک میں نہیں کروائیں گے۔
جیل حکام کے مطابق سزائے موت کے قیدیوں کی ایڈمن بلاک میں پہلے سے ہی ملاقات بند ہے، چاروں کیٹیگریز میں صرف اسیران کے خونی رشتہ داروں یا وکیل کی ملاقات کروائی جائیگی۔
مراسلے میں کہا گیا ہے کہ تمام کیٹیگریز کے قیدیوں کی ملاقات ہفتہ میں1 بار کی بجائے 2 دفعہ سسٹم میں یقینی بنائی جائے، قیدیوں کو سپلائی کرنے کے بعد والا کھانا کچن سے فوری ضائع کیا جائے، قیدیوں کے ورثا کی جانب سے لائے گئے کھانے و سامان کیلئے 3 سلپس کاٹی جائیں۔
مراسلہ کے مطابق ایک سلپ ملاقات کی، دوسری قیدی کیلئے اور تیسری سلپ جیل کے ریکارڈ کیلئے رکھی جائے، آئی جی جیل کی جانب سے عملدرآمد کیلئے مراسلہ تمام جیلوں میں بھجوا دیاگیا۔
