10 Aug 2025
(لاہور نیوز) صوبائی دارالحکومت میں 24 گھنٹے کے دوران 226 ٹریفک حادثات میں ریسکیو سروسز فراہم کی گئیں۔
ترجمان ریسکیو کے مطابق لاہور میں گزشتہ 24 گھنٹوں کے دوران ٹریفک حادثات کے باعث 280 افرادزخمی ہوئے، ٹریفک حادثات سے 111 شدید زخمیوں کو فوری ہسپتال منتقل کیا گیا جبکہ 169معمولی زخمیوں کو موقع پر فرسٹ ایڈ فراہم کر کے روانہ کر دیا گیا جبکہ شمالی چھاؤنی میں شہری احمد سٹرک عبوری کرتے ہوئے گاڑی کی ٹکر لگنے سے جاں بحق ہو گیا۔
ریسکیو حکام کا کہنا تھا کہ حادثات شہریوں کی جانب سے ٹریفک قوانین کی خلاف ورزیوں کے باعث پیش آئے ہیں۔
