
20 Jul 2025
(لاہور نیوز) شہر لاہور میں 24 گھنٹوں کے دوران مختلف علاقوں میں 263 ٹریفک حادثات رپورٹ ہوئے۔
ریسکیو حکام کے مطابق ٹریفک حادثات کی زد میں آ کر مجموعی طور پر 329 افراد زخمی ہوئے، جن میں سے 100 شدید زخمیوں کو طبی امداد کیلئے مقامی ہسپتالوں میں منتقل کیا گیا جبکہ 229 معمولی زخمیوں کو موقع پر طبی امدادفراہم کر کے روانہ کر دیا گیا۔
ریسکیو حکام کا کہنا تھا کہ حادثات ٹریفک قوانین کی خلاف ورزی کے باعث پیش آئے ہیں تاہم شہریوں کو چاہیے کہ وہ ٹریفک قوانین پر عمل کر کے اپنی اور دوسروں کی زندگیوں کو محفوظ بنائیں۔