(لاہور نیوز) وزیرِ اعلیٰ مریم نواز شریف کی ہدایت پر ایئر پورٹس کے قریب “نو برڈ زون” قائم،انتظامیہ، انوائر منٹل پروٹیکشن ، وائلڈ لائف پروٹیکشن فورس نے آپریشن شروع کر دیا۔
لاہور مشرقی بائی پاس، مناواں ہسپتال، پی کے ایل آئی، چونگی امر سدھو، اچھرہ اور چاہ میراں آپریشن کےعلاقوں میں شامل کر دیے گئے ہیں، کھلے کوڑے پر پابندی، ڈھکن والے کوڑےدان لازمی قرار دیئے گئے، پرندوں کو دانہ ڈالنے پر پابندی عائد کر دی گئی ہے۔
اسی طرح ضلعی انتظامیہ کی جانب سے کارروائی شروع کر دی گئی ہے، غیر قانونی مذبح خانوں کی بندش جبکہ چمڑے کے کاروبار پر ماحولیاتی قوانین نافذ کر دیئے گئے ہیں۔
ڈپٹی کمشنر کا کہنا ہے کہ نو برڈ زون قائم کرنے کا مقصد فضائی حادثات سے بچاؤ ہے، نو برڈ زون کے قیام سے شہریوں کی حفاظت یقینی بنائی جا رہی ہے، ضلعی انتظامیہ قوانین پر بلا تفریق عملدرآمد جاری رکھے گی تاہم فضائی حادثات کی روک تھام کیلئے شہریوں سے تعاون کی اپیل ہے۔
