17 Jul 2025
(لاہور نیوز) 24 گھنٹوں کے دوران مختلف علاقوں میں 193 ٹریفک حادثات رپورٹ ہوئے۔
ریسکیو حکام کے مطابق ٹریفک حادثات کی زد میں آ کر ایک شخص جاں بحق ہو گیا، 228 افراد زخمی ہوئے جبکہ 65 شدید زخمیوں کو طبی امداد کیلئے مقامی ہسپتالوں میں منتقل کیا گیا۔
اسی طرح 162 معمولی زخمیوں کو موقع پر طبی امداد فراہم کرنے کے بعد روانہ کر دیا گیا، ریسکیو حکام کا کہنا تھا کہ حادثات ٹریفک قوانین کی خلاف ورزی کے باعث پیش آئے ہیں۔
