
13 Jul 2025
(ویب ڈیسک) جنوبی وزیرستان سے تعلق رکھنے والے 6 سالہ مارشل آرٹسٹ سفیان محسود نے اپنی صلاحیتوں کا لوہا منواتے ہوئے ایک اور عالمی ریکارڈ اپنے نام کرلیا۔
اس سے قبل گینیز ورلڈ ریکارڈز میں 30 سیکنڈ میں 30 اسٹیپ اپس کا ورلڈ ریکار ڈ بنایا گیا تھا تاہم پشاور کے کم عمر مارشل آرٹسٹ نے شاندار انداز میں 30 سیکنڈ میں 45 اسٹیپ اپس مکمل کیے اور گینیز ورلڈ ریکارڈز میں نیا ریکارڈ قائم کردیا۔سفیان محسود اس نئے ریکارڈ کے ساتھ اب 4 عالمی ریکارڈز کے حامل کم عمر پاکستانی مارشل آرٹسٹ بن چکے ہیں۔سفیان محسود اس سے قبل بھارت کے 2 گینیز ورلڈ ریکارڈز سمیت 3 ورلڈ ریکارڈز توڑ چکے ہیں۔