(لاہور نیوز) پی ٹی آئی رہنماء اعجاز چوہدری پر جناح حملہ کیس سمیت سانحہ نو مئی کے دیگر 4 مقدمات کا معاملہ، لاہور ہائیکورٹ نے عجاز چوہدری کی 4 مقدمات میں درخواست ضمانتوں پر مقدمات کے شریک ملزمان کے ضمانتوں کے متعلق 14 جولائی تک رپورٹ طلب کر لی۔

جسٹس سید شہباز علی رضوی اور جسٹس  اسجد جاوید گھرال پر مشتمل  دو رکنی  بنچ  نے سماعت کی، ڈی ایس پی آصف جاوید  مقدماث کی تفتیشی ٹیم کے ہمراہ پیش ہوئے، سرکاری وکیل نے درخواست ضمانتوں کی مخالفت کرتے ہوئے دلائل دئیے کہ تحریک انصاف کے رہنماؤں کی ایک میٹنگ ہوئی جس میں اعجاز چوہدری  سمیت دیگر شریک تھے، میٹنگ میں حساس مقامات پر حملہ کی منصوبہ بندی کی گئی۔

جسٹس اسجد جاوید گھرال نے پراسیکیوٹر سے مکالمہ کرتے ہوئے کہا کہ بتائیں اس میٹننگ میں شریک کتنے ملزمان اس وقت گرفتار ہیں؟،  سرکاری وکیل نے جواب دیا کہ متعدد ملزمان گرفتار اور کئی مفرور ہیں، شاہ محمود قریشی،  ڈاکٹر یاسمین راشد، سرفراز عمر چیمہ اور میاں محمود الرشید سمیت دیگر گرفتار ہیں۔

حماد اظہر سمیت کئی ملزمان مفرور اور اشتہاری ہیں، جسٹس اسجد جاوید گھرال نے استفسار کیا کہ کیا کسی شریک ملزم کی بعد از گرفتاری درخواست ضمانت منظور ہوئی ہے؟ سرکاری وکیل نے جواب دیا جی کسی ملزم کی ضمانت  بعد از گرفتاری منظور  نہیں ہوئی۔

اعجاز چوہدری کی جانب سے پیش ہونیوالے وکیل نے بتایا کہ  کئی ملزمان کی ٹرائل کورٹ سے  بعد از گرفتاری درخواست ضمانتیں ہوئی چکی ہیں، جسٹس سید شہباز علی رضوی نے سرکاری وکیل سے مکالمہ کرتے ہوئے کہا کہ اس مقدمے میں کتنے  شریک ملزمان کی ضمانتیں ہوئی ہیں اور کتنوں کی خارج؟ آئندہ سماعت پر شریک ملزمان  کی ضمانتوں سے متعلق تفصیلات بتائی جائیں، انسداد دہشت گردی عدالت سے ضمانتیں خارج ہونے پر اعجاز چوہدری نے ضمانت کیلئے ہائیکورٹ سے رجوع کر رکھا ہے۔

Follow Lahore News on X

Install our App