27 May 2025
(لاہور نیوز) صوبائی دارالحکومت کے شہر لاہور میں 24 گھنٹوں کے دوران مختلف جگہوں پر 281 ٹریفک حادثات کے باعث ساڑھے 300 سے زائد افراد زخمی ہوئے۔
ریسکیو حکام کے مطابق ٹریفک حادثات کی زد میں آ کر مجموعی طور پر 357 افراد زخمی ہوئے، جن میں سے 113 شدید زخمیوں کو طبی امداد کیلئے مقامی ہسپتالوں میں منتقل کیا گیا جبکہ 244 معمولی زخمیوں کو موقع پر طبی امدادفراہم کرنے کے بعد روانہ کر دیا گیا۔
ریسکیو حکام کا کہنا ہے کہ حادثات تیز رفتاری اور ٹریفک قوانین کی خلاف ورزی کے باعث پیش آئے، لہذا عوام الناس سے التماس ہے کہ وہ اپنی اور دوسروں کی زندگی کو بچانے کیلئے ٹریفک قوانین پر عمل درآمد یقینی بنائیں۔
