(لاہورنیوز) ڈی جی آئی ایس پی آر لیفٹیننٹ جنرل احمد شریف نے بھارت کے خلاف پاکستان کی فتح کو امن کی فتح قرار دیا۔

 ترجمان پاک فوج لیفٹیننٹ جنرل احمد شریف نے اسلام آباد کے طلبا اور اساتذہ کے ساتھ خصوصی نشست میں کی جس دوران ڈی جی آئی ایس پی آر نے نوجوانوں کی ملک کے لیے کاوشوں کو نہایت اہم قرار دیا اور دشمن کے ناپاک عزائم سے آگاہ کرتے ہوئے متحد رہنے کی تلقین بھی کی۔

ڈی جی آئی ایس پی آرنے کہا کہ پاکستان امن کا گہوارہ ہے اور پاکستان کی فتح دراصل امن کی فتح ہے،انہوں نے پورے ملک کے اساتذہ کو پاک فوج کی جانب سے سلام بھی پیش کیا۔لیفٹیننٹ جنرل احمد شریف کا کہنا تھا کہ پاکستان امن کا گہوارہ ہے،نوجوانوں کی ملک کیلئے کاوشیں انتہائی اہم ہیں۔

ترجمان پاک فوج نے کہا کہ جو لوگ کہتے تھےفوج کام نہیں کرتی، اب طلبا ان سے سوال کریں ، کام کیا ہے یا نہیں کیا؟ آج آپ ان کو ذمہ دار نہیں ٹھہرائیں گے؟ طلبہ اور اساتذہ کا والہانہ محبت دیکھ کر کہہ سکتا ہوں پاکستان کا مستقبل محفوظ اورروشن ہے۔

ڈی جی آئی ایس پی کا کہنا تھا کہ تم کون ہوتے تھے جو اپنی فوج کے افسروں اور جوانوں کیخلاف باتیں کرتے تھے،پاکستان کی فوج عوام سے ہے اور عوام فوج سے ہیں، یہ سیسہ پلائی دیوار آپ یعنی اس ملک کے بچے اور بچیاں ہیں، یہ نسل کبھی بھی اس ملک کی حفاظت سے پیچھے نہیں ہٹے گی۔

لیفٹیننٹ جنرل احمد شریف نے کہا کہ پاکستان میں دہشتگردی کے پیچھے بھارت ہے، اس آہنی دیوار کو اب ہم نے اکٹھا ہو کر دہشتگردی کی طرف موڑنا ہے، عوام اورفوج اکٹھے ہوں گے تو اس ملک میں کوئی دہشتگرد نہیں بچے گا۔ترجمان پاک فوج کا مزید کہنا تھا کہ تمام بچے اپنے اساتذہ کا احترام کریں، ہمیں اپنے اساتذہ کو سلیوٹ کرنا چاہیے، ڈی جی آئی ایس پی آر نے سٹیج سے پاکستان زندہ باد اوربچوں کے ساتھ ملکر کشمیر بنے گا پاکستان کا نعرہ بھی لگوایا۔

Follow Lahore News on X

Install our App