(لاہور نیوز) پاکستان سپر لیگ 10 کے پانچویں میچ میں اسلام آباد یونائیٹڈ نے پشاور زلمی کو 102 رنز سے شکست دیدی۔
244 رنز کے ہدف کے تعاقب میں پشاور زلمی کی پوری ٹیم 19 ویں اوور میں 141 رنز بنا کر پویلین لوٹ گئی، محمد حارث 87 رنز کیساتھ نمایاں رہے۔
پشاور زلمی کی جانب سے اننگز کا آغاز صائم ایوب اور کپتان بابر اعظم نے کیا جو انتہائی مایوس کن ثابت ہوا اور کپتان بابر اعظم ایک رن بنا کر آؤٹ ہو گئے جبکہ صائم ایوب 6 رنز بنا کر چلتے بنے۔
مچل اوون 10، محمد حارث 87، ٹام کوہلر-کیڈمور 8 ، حسین طلعت 13 رنز بنا کر آؤٹ ہو گئے، الزاری جوزف 2، سفیان مقیم ایک، محمد علی 3 جبکہ جارج لِنڈے بغیر کوئی رن بنائے پویلین لوٹ گئے۔
اسلام آباد یونائیٹڈ کی جانب سے عماد وسیم نے 3، بین ڈوار سہوئس شاداب خان نے 2،2 جبکہ نسیم شاہ ، جیسن ہولڈر اور سعد مسعود نے ایک ایک وکٹ حاصل کی۔
