12 Feb 2025
(ویب ڈیسک) ایف آئی اے نے لیبیا کشتی حادثے میں ملوث انتہائی مطلوب انسانی سمگلر زبیر مہر کو گجرات سے گرفتار کر لیا۔
ایف آئی اے حکام کے مطابق ملزم زبیر لیبیا کشتی حادثے میں ملوث ہے اور اس کے خلاف 2023 میں کمپوزٹ سرکل گجرات میں 8 مقدمات درج ہوئے ہیں، ملزم انسانی سمگلنگ میں ملوث بین الاقوامی گینگ کا رکن ہے، زبیر مہر نے لیبیا کشتی حادثے کے 8 متاثرین سے فی کس 24 لاکھ روپے ہتھیائے۔
ایف آئی اے حکام نے بتایا ہے کہ ملزم زبیر نے مجموعی طور پر متاثرین سے 1 کروڑ 92 لاکھ روپے ہتھیائے اور اس نے 8 متاثرین کو لیبیا بھجوایا اور وہاں متاثرین کو سیف ہاؤسز میں رکھ کر تشدد کا نشانہ بنایا، ملزم نے متاثرین کو کشتی کے ذریعے لیبیا سے یورپ بھجوانے کی کوشش کی جو حادثے کا شکار ہوئی۔
