10 Feb 2025
(لاہور نیوز) صوبائی دارالحکومت کے علاقہ باٹا پور میں جلو موڑ کے قریب جائیداد کے تنازعہ پر فائرنگ کی زد میں آ کر 2 افراد قتل جبکہ ایک شخص زخمی ہو گیا۔
تھانہ باٹا پور پولیس کے مطابق مقتولین میں 34 سالہ سیف اسلم اور 25 سالہ ارسلان اقبال شامل ہیں جبکہ فائرنگ کی زد میں آکر زخمی ہونے والے کی شناخت مرسلیم کے نام سے ہوئی ہے، جاں بحق افراد کی لاشوں اور زخمی کو گھرکی ہسپتال منتقل کر دیا گیا ہے۔
پولیس حکام کا کہنا ہے کہ فریقین آپس میں سوتیلے بھائی ہیں، جائیداد کے تنازع پر فائرنگ ہوئی، فریقین کا ایک، ایک فرد قتل ہوا، جائے وقوعہ سے شواہد اکٹھے کر لئے ہیں، واقعہ کے حوالے سے مختلف پہلوؤں پر تحقیقات کی جا رہی ہیں۔
