(لاہور نیوز) پولیس افسروں کو ایڈیشنل آئی جی اور ڈی آئی جی کے عہدے پر ترقی دے دی گئی۔

وزیر اعلی آفس میں ترقی پانے والے پولیس افسروں کو بیجز لگانے کی تقریب ہوئی۔ نگران وزیراعلیٰ پنجاب محسن نقوی نے چیف سیکرٹری زاہد اختر زمان اور انسپکٹر جنرل پولیس ڈاکٹر عثمان انور کے ہمراہ پولیس افسروں کو پروموشن رینک کے بیجز لگائے۔ وزیراعلیٰ محسن نقوی نے گریڈ 21 اور گریڈ 20 میں پروموٹ ہونیوالے پولیس افسران کو مبارکباد دی۔

21 ویں گریڈ میں ایڈیشنل آئی جی کے عہدے پر ترقی پانے والے افسران میں مقصود الحسن، عبدالکریم، مرزا فاران بیگ، عمران ارشد، محمد ادریس احمد، محمد وقار عباسی اور محمد کامران خان شامل ہیں۔ 20 ویں گریڈ میں ڈی آئی جی کے عہدے پر ترقی پانے والے پولیس افسران میں سہیل ظفر چٹھہ،علی ناصر رضوی، محمد ایاز سلیم، وقاص حسن، توصیف حیدر،

پولیس افسروں کی ایڈیشنل آئی جی اور ڈی آئی جی کے عہدے پر ترقی, وزیر اعلی آفس میں ترقی پانے والے پولیس افسروں کو بیجز لگانے کی تقریب. نگران وزیراعلیٰ پنجاب محسن نقوی نے چیف سیکرٹری زاہد اختر زمان اور انسپکٹر جنرل پولیس ڈاکٹر عثمان انور کے ہمراہ پولیس افسروں کو پروموشن رینک لگائے.… pic.twitter.com/qgsJAxY0Es

— Punjab Police Official (@OfficialDPRPP) August 16, 2023

کیپٹن (ر) لیاقت علی ملک اور منتظر مہدی شامل ہیں۔ پولیس افسروں کے اہل خانہ نے تقریب میں خصوصی شرکت کی۔ بیجز لگاتے ہوئے اہل خانہ کو سٹیج پر مدعو کیا گیا۔

اس موقع پر محسن نقوی کا کہنا تھا ترقی پانے والے افسران اور ان کے اہل خانہ کو مبارکباد پیش کرتا ہوں۔ ترقی پولیس افسران کا حق ہے جو ان تک پہنچایا گیا۔ ترقی پانے والے افسروں سے عوام کی خدمت کی توقع کرتے ہیں۔ ترقی کے لئے آئی جی نے بہت محنت کی، چیف سیکرٹری نے بھی ساتھ دیا۔ ایڈیشنل آئی جی اور ڈی آئی جی بننے والے افسران کو مبارکباد پیش کرتا ہوں اور کامیابیوں کے لئے دعا گو ہوں۔

 آئی جی پنجاب ڈاکٹر عثمان انور، چیف سیکرٹری، انسپکٹر جنرل پولیس، ایڈیشنل آئی جی سپیشل برانچ، سی سی پی او لاہور، ایڈیشنل آئی جی اسٹیبلشمنٹ، ایڈیشنل آئی جی انویسٹی گیشن، ڈی آئی جی ہیڈ کوارٹرز اور متعلقہ حکام نے تقریب میں شرکت کی۔

Subscribe Lahore News on YouTube

Install our App