(ویب ڈیسک) نیشنل ڈیزاسٹر مینجمنٹ اتھارٹی (این ڈی ایم اے) نے 18 سال سے زائد عمر کے طلبہ کیلئے مصوری، فوٹو گرافی اور شارٹ فلم کے ملک گیر مقابلے کا اعلان کیا ہے۔

ترجمان این ڈی ایم اے کا کہنا ہے کہ اس مقابلے کا مقصد نوجوان نسل کو آفات سے متعلق آگاہی دینا ہے۔

مقابلے میں شریک نوجوانوں کے لیے انعامات کا بھی اعلان کیا گیا ہے جس کے مطابق پہلی پوزیشن پانے والے کو ایک لاکھ روپے، دوسری پوزیشن پر 75 ہزار جبکہ تیسری پوزیشن لینے والے کو 50 ہزار روپے کے نقد انعامات دیئے جائیں گے۔

این ڈی ایم اے نے خواہشمند طلبہ وطالبات سے کہا ہے کہ وہ اپنا آرٹ ورک 25 جولائی تک جمع کرا سکتے ہیں جبکہ نتائج کا اعلان پاکستان کی پہلی ڈیزاسٹر رسک ریڈکشن ایکسپو میں کیا جائے گا۔

مقابلے کے موضوعات و شرائط ایکسپو کی ویب سائٹ اور ٹویٹر پر موجود ہیں جس کے مطابق پینٹنگ مقابلے میں ملک بھر کے 18 سال سے زائد عمر کے طلبہ وطالبات شرکت کر سکتے ہیں۔

خواہشمند نوجوان اپنا آرٹ ورک 25 جولائی تک آئل پینٹ، واٹر کلر، کینوس یا ڈیجیٹل فارمیٹ میں سائز میں درج ذیل موضوعات میں سے کسی ایک پر جمع کرائیں، قدرتی آفات اور موسمیاتی تبدیلی کے اثرات میں پاکستان کی لچک، انسانی حوصلہ افزائی آفات (جنگلات کی کٹائی، جنگل کی آگ، آلودگی وغیرہ)، DRR اور ٹیکنالوجی اور اختراع کے ذریعے بہتری لانا ہے۔

خواہشمند فلم سازوں کو PEDRR-23 میں ہونے والے مختصر فلم مقابلے میں اپنی صلاحیتوں اور تخلیقی صلاحیتوں کا مظاہرہ کرنے اور نقد انعامات اور پہچان جیتنے کا موقع فراہم کرنے کا مساوی موقع ملے گا۔

تینوں کٹیگریز کے لیے شرائط و ضوابط کے مطابق مواد اصل ہونا چاہیے، ادبی سرقہ کے نتیجے میں نااہلی ہو جائے گی، این ڈی ایم اے کے پاس جمع کرائے گئے مواد کے خصوصی کاپی رائٹ ہوں گے، عمر کی حد 18سال سے زائد ہے اور کسی بھی تعلیمی ادارے کے صرف اندراج شدہ طلبہ ہی اس مقابلے میں حصہ لے سکتے ہیں۔

Subscribe Lahore News on YouTube

Install our App