(لاہور نیوز) وزیراعلیٰ پنجاب مریم نواز شریف کے وژن کے تحت گرین بس سروس عوامی خدمت کا سفر جاری رکھے ہوئے ہے۔
پنجاب ٹرانسپورٹ کمپنی کے جاری کردہ اعداد و شمار کے مطابق صوبے بھر میں آغاز سے اب تک گرین بسز پر 3 کروڑ 25 لاکھ سے زائد افراد سفر کر چکے ہیں۔
ان میں سے 1 کروڑ 37 لاکھ افراد نے جدید سہولتوں سے آراستہ گرین بسز میں بلکل مفت سفر کیا، جن میں خواتین، بزرگ، معذور افراد اور طلباء شامل ہیں، جبکہ 1 کروڑ 88 لاکھ سے زائد افراد نے محض 20 روپے کرایہ ادا کر کے سفر کیا۔
سی ای او پنجاب ٹرانسپورٹ کمپنی نے کہا کہ گرین بسز میں عام عوام کو اعلیٰ معیار کی سفری سہولیات فراہم کی جا رہی ہیں، تمام بسوں میں مفت وائی فائی اور موبائل چارجنگ کی جدید سہولت موجود ہے، اور بسوں میں نصب کیمروں کے ذریعے لمحہ بہ لمحہ مانیٹرنگ کی جاتی ہے۔
سی ای او نے مزید کہا کہ پنجاب ٹرانسپورٹ کمپنی کا مقصد عوام کو باعزت، محفوظ اور آرام دہ سفر فراہم کرنا ہے اور گرین بس منصوبہ اس مشن کو جاری رکھے گا۔
