13 Mar 2026
(لاہور نیوز) وزیرِ ریلوے محمد حنیف عباسی نے 30 جون تک تین ٹرینیں اپ گریڈ کرنے کی ہدات کر دی۔
وفاقی وزیرِ ریلوے محمد حنیف عباسی کی زیرِ صدارت اجلاس ہوا جس میں ریلوے سٹیشنوں اور ٹرینوں میں سہولیات کی فراہمی پر تفصیلی بریفنگ دی گئی۔
انہوں نے ملک بھر کے ریلوے سٹیشنوں پر ایک جیسے بنچز نصب کرنے اور لاہور، کراچی کی طرز پر دیگر سٹیشنوں کی صفائی آؤٹ سورس کرنے کی ہدایت کی۔
حنیف عباسی کا کہنا تھا کہ عوام ایکسپریس، علامہ اقبال ایکسپریس اور سکھر ایکسپریس 30 جون تک اپ گریڈ کر دی جائیں گی۔
دوسری جانب گرین لائن، شالیمار اور پاک بزنس ایکسپریس میں 15 اپریل تک کیمرے نصب کر دیے جائیں گے، بعد ازاں وزیرِ ریلوے سے مشیر وزیر اعلیٰ پنجاب علی ڈار نے ملاقات بھی کی۔
