01 Mar 2026
(لاہور نیوز) ڈولفن ٹیم نے ڈیفنس میں شہریوں کے قیمتی موبائل چوری کرنیوالا ملزم گرفتار کرلیا، جس سے 2 موبائل بھی برآمد کرلیے گئے۔
ترجمان ڈولفن کے مطابق ڈولفن ٹیم نے ملزم کو ڈیفنس مارکیٹ سے گرفتار کیا، ملزم دو روز قبل شہری کے 2 موبائل چوری کر کے رفو چکر ہو گیا تھا۔ ملزم چوری شدہ موبائلز کو سپیئر پارٹس کی صورت میں فروخت کرتا تھا۔
ترجمان ڈولفن کا کہنا ہے کہ ملزم کے قبضہ سے چوری شدہ موبائل، 30 سے زائد سمیں، متعدد شناختی کارڈ برآمد ہوئے ۔ ملزم معین کا تعلق بہاولنگر سے ہے، متعدد وارداتوں کا انکشاف بھی ہوا ہے۔
