(لاہور نیوز) لاہور کے علاقے لٹن روڈ پر ایک ریسٹورنٹ پر گاہکوں اور عملے کو یرغمال بنا کر ڈکیتی کرنے والے تینوں ڈاکو مبینہ پولیس مقابلے میں مارے گئے۔
پولیس کے مطابق 20 فروری کی رات لاہور میں لٹن روڈ پر ایک ریسٹورینٹ میں تین ڈاکو داخل ہوئے جن کی عمریں 20 سے 22 سال کی تھیں تاہم انہوں نے گاہکوں اور عملے کو یرغمال بنایا اور فیملی اور بچوں پر بھی ترس نہ کھایا۔
پولیس نے کہا کہ ڈاکو گن پوائنٹ پر کاؤنٹر اورگاہکوں کی جیبوں سے 40 ہزارکیش اور موبائل فون لوٹ کر فرار ہو گئے، جس کے بعد پولیس نے سی سی ٹی وی فوٹیج کی مدد سے فوری کارروائی کا آغاز کیا اور 23 فروری کو سیف سٹی کیمروں کی مدد سے ملزمان کو ساہیوال اور نارووال سے گرفتار کرلیا، ملزمان کے قبضہ سے 12 لاکھ روپے نقدی بھی برآمد کر لی گئی ہے۔
پولیس حکام کے مطابق تینوں ڈاکو سی سی ڈی کے ساتھ پولیس مقابلے میں مارے گئے ہیں، ان کی شناخت نعیم، اشرف اور کبیر کے نام سے ہوئی ہے تاہم گروہ کا سرغنہ نعیم عرف اندھیری تھا جس نے جیل سے نکل کر گروہ تشکیل دیا تھا۔
