19 Feb 2026
(لاہور نیوز) داتا دربار کے قریب کھلے مین ہول میں ماں اور بیٹی کے گر کر جاں بحق ہونے کے افسوسناک واقعے کے بعد تیار کی گئی انکوائری رپورٹ پر تاحال عملدرآمد نہ ہونے کا انکشاف سامنے آیا ہے۔
ذرائع کے مطابق ایڈیشنل آئی جی آئی اے بی کی جانب سے تیار کی گئی انکوائری رپورٹ کو سرد خانے میں ڈال دیا گیا ہے، رپورٹ میں مبینہ طور پر بعض اعلیٰ افسران کو بھی ذمہ دار قرار دیا گیا تھا، تاہم ان کے خلاف کوئی عملی کارروائی عمل میں نہیں لائی گئی۔
ذرائع کا کہنا ہے کہ ہلاک ہونے والی خاتون کے خاوند پر مبینہ تشدد کے معاملے میں بھی متعلقہ افسران کے خلاف خاطر خواہ کارروائی نہیں کی گئی، تشدد کے الزام پر صرف ایس ایچ او بھاٹی گیٹ کو عہدے سے ہٹایا گیا، جبکہ دیگر اعلیٰ افسران بدستور اپنے عہدوں پر کام کر رہے ہیں۔
