(لاہور نیوز) راوی روڈ اور شاہدرہ ٹاؤن پولیس نے مشترکہ کارروائی کے دوران 11 غیر رجسٹرڈ پتنگ فروشوں کو گرفتار کر لیا۔
ملزمان کے قبضے سے مجموعی طور پر 1520 پتنگیں اور 27 ممنوعہ کیمیکل ڈور کی چرخیاں برآمد کی گئی ہیں۔
پولیس کے مطابق گرفتار شدگان بغیر ٹریڈ لائسنس، سیلر لائسنس اور مینوفیکچرنگ لائسنس کے غیر قانونی پتنگیں اور ممنوعہ کیمیکل ڈور خرچیاں مارکیٹ میں سپلائی کر رہے تھے۔
شاہدرہ ٹاؤن پولیس نے کارروائی کے دوران 6 ملزمان کو گرفتار کیا، جن کے قبضے سے 900 پتنگیں اور 17 ممنوعہ کیمیکل ڈور کی چرخیاں برآمد ہوئیں۔
دوسری جانب راوی روڈ پولیس نے مختلف مقامات سے 5 ملزمان کو گرفتار کیا، جن کے قبضے سے 620 پتنگیں اور 10 کیمیکل ڈور کی چرخیاں برآمد ہوئیں۔
ایس پی سٹی کے مطابق ملزمان غیر قانونی پتنگوں کی سپلائی کے لئے لوڈر ٹرک، رکشے اور اپنی گاڑیوں کا استعمال کر رہے تھے، گرفتار ملزمان کے خلاف مقدمات درج کر کے قانونی کارروائی شروع کر دی گئی ہے۔
ایس پی سٹی نے واضح کیا کہ گورنمنٹ سے منظور شدہ ڈیلر ہی بار کوڈ والی پتنگیں اور ڈور فروخت کر سکیں گے اور پتنگ بازی و اس کی خرید و فروخت گورنمنٹ کے جاری کردہ شیڈول کے مطابق ہو گی۔
