(لاہور نیوز) وزیراعلیٰ پنجاب مریم نواز شریف کی زیر صدارت خصوصی اجلاس، روڈا پراجیکٹس اور نواز شریف آئی ٹی سٹی پر پیشرفت کا جائزہ لیا گیا۔

نواز شریف آئی ٹی سٹی میں امپیریل کالج لندن کا کیمپس بنے گا، نومبر میں امپیریل کالج لندن کے مقامی کیمپس کا سنگ بنیاد رکھا جائے گا،امپیریل کالج کیمپس میں 300 بیڈ کا جدید ترین ہسپتال بھی بنایا جائے گا۔

وزیراعلیٰ مریم نواز شریف نے دریائے راوی پر روڈا پرائمری بند ممکنہ سیلاب سے پہلے مکمل کرنے کا ہدف دے دیا۔

خصوصی اجلاس میں سنٹرل بزنس ڈسٹرکٹ پراجیکٹ،راوی اربن ڈویلپمنٹ اتھارٹی اور نواز شریف آئی ٹی سٹی پر پیشرفت کا جائزہ لیا گیا۔ روڈا فیز ون کی تکمیل کے لئے دو سال کا ہدف مقرر کیا گیا ہے۔ وزیراعلیٰ کوسی بی ڈی، روڈا اور این ایس آئی ٹی پر تفصیلی بریفنگ دی گئی۔

بریفنگ میں بتایا گیا کہ روڈا بند بننے سے لاہور دریائے راوی کے سیلاب سے محفوظ ہوجائے گا، انٹرٹینمنٹ سٹی میں چین اور ترکیہ کی کمپنیوں نے اظہار دلچسپی کیا ہے، ڈی او ایف روبوٹک اور یو بینڈ نے پلیر تھیم پارک میں دلچسپی کا اظہار کیا ہے۔ انٹرٹینمنٹ سٹی میں 80 نشستوں پر مشتمل فلائنگ تھیٹر بھی بنایا جائے گا۔

مزید بتایا گیا کہ سلیکون سٹی، یونیورسٹی بلاک، اے ایس ٹی آراے بلاک اور فلم سٹی میں مختلف اداروں نے دلچسپی کا اظہار کیا ہے، نواز شریف آئی ٹی سٹی میں آئی ٹی ٹاور کی تعمیر78 فیصد مکمل کر لی گئی، راوی سٹی پاکستان کا پہلا مکمل گرین سٹی ہوگا۔

وزیراعلیٰ مریم نواز شریف نے فیوچر پراجیکٹ کی جلد تکمیل کی ضرورت پر زور دیتے ہوئے فیوچر پراجیکٹ سے متعلق سہ ماہی رپورٹ پیش کرنے کی ہدایت کی۔ وزیراعلیٰ نے روڈا کا قابل عمل بزنس پلان طلب کر لیا۔

Follow Lahore News on X

Install our App