شہرکی خبریں
پاکستان پر میلی نگاہ ڈالنے والوں کو پہلے سے زیادہ شدید جواب ملے گا: احسن اقبال
05 Oct 2025
05 Oct 2025
(لاہور نیوز) وفاقی وزیر احسن اقبال نے کہا ہے کہ اس وقت بھارت حسد کی آگ میں جل رہا ہے، کسی نے پاکستان پر میلی نگاہ ڈالی تو اسے پہلے سے زیادہ شدت سے جواب ملے گا۔
نارووال میں میڈیا سے گفتگو میں احسن اقبال نے کہا کہ پاکستان کو اللہ تعالیٰ کے فضل و کرم سے معرکۂ حق کے بعد دنیا میں پزیرائی ملی، بھارت کے اندر لوگ اپنی قیادت سے سوال کر رہے ہیں، بھارتی قیادت اپنے عوام کو خوش کرنے کے لیے بڑھکیں لگا رہی ہے، ہم پاکستان کو وہ ماڈل بنا کر پیش کریں گے جسے دنیا دیکھے گی۔
وفاقی وزیر کا یہ بھی کہنا تھا کہ ملک کی تعمیر و ترقی کے عمل کو سیاسی استحکام کو برقرار رکھتے ہوئے تیزی کے ساتھ آگے بڑھائیں گے۔
