29 Aug 2025
(ویب ڈیسک) قومی بیڈمنٹن پلیئر پلوشہ بشیر شادی کے بندھن میں بندھ گئیں۔
سماجی رابطے کی ویب سائٹ فیس بک اور انسٹاگرام پر بیڈمنٹن پلیئر پلوشہ بشیر نے تصویر شیئر کرتے ہوئے اپنی شادی کا اعلان کیا۔انہوں نے زندگی کے اس نئے باب کی شروعات پر اللہ تعالیٰ کا شکر ادا کیا اور لکھا کہ شکر الحمدللہ! یہ بتاتے ہوئے مجھے خوشی محسوس ہو رہی ہے کہ اب ہم شادی شدہ ہیں۔
37 سالہ کھلاڑی نے اپنے مستقبل کے لیے دعاگو ہوتے ہوئے مزید لکھا کہ اللہ اس بندھن کو سلامت رکھے اور اسے ہمیشہ محبت، رحمت اور برکت کا ذریعہ بنائے، اس کے ساتھ ہی انہوں نے قرآنی آیت بھی شیئر کی۔
پلوشہ بشیر 17 اگست کو شادی کے بندھن میں منسلک ہوئی ہیں جس کا اعلان انہوں نے اب کیا ہے، سوشل میڈیا پر شادی کا اعلان کرتے ہی مداحوں، عزیز و اقارب کی جانب سے مبارکباد اور نیک خواہشات کا سلسلہ شروع ہو گیا۔
